مركز تضامن أهالي إمبابة

لو انت من سكان العشوائيات، وفجأة لاقيت نفسك مهدد بالطرد من بيتك عشان الأرض اللي انت ساكن عليها هتتباع للمستثمرين، ولا أنت طايل تعويض ولا سكن بديل.

 لو انت طالب، تعليمك قال إيه مجاني، وطلع لا تعليم ولا مجاني وأخرتها شهادة متعلقة على الحيط. 

لو انت عاطل، من 7 مليون عاطل، وكل يوم تسمع تصريح عن وظيفة جديدة وقال إيه شريفة، وفي الحقيقة كل الوظايف محجوزة لابن الكبير وابن المدير. 

لو انت ماشي في حالك، لا بيك ولا عليك، طلع لك واحد قالك بطاقتك، كلمه منك وكلمه منه، لقيت نفسك في أوضه ضلمه، وليله سودا في قسم شرطه، وتهمة جاهزة، ولابسة لابسة. 

لو انت بياع سريح، بتكسب ملاليم من فرشتك، وبرضه البلديه مش سايباك في حالك. 

لو انت عامل مصنعك اتنهب واتباع، وبقيت في الشارع ومش قادر تكفى بيتك. 

لو انت عامل، وصاحب المصنع ناهب قوتك وعرقك، وشغلك على كف عفريت، وصحتك وشبابك  بيروحوا من غير تمن ولا ضمان. 

لو انت واحد من اللي فاتوا، وفاكر إن ده قدرك ونصيبك.. ده مش حقيقي!

لو اتجمعنا نقدر نقاوم.. ونبقي قوة تقدر تغير.. 

 أنشطة المركز 

المركز يقدم استشارات قانونية مجانية. 

يتلقي شكاوي أهالي امبابة ويوفر لهم الدعم   القانوني والإعلامي. 

يهتم المركز بالفئات المختلفة في امبابة (الشباب – العمال – باعة سريحة – حرفيين – مهنيين - .....) ويهتم بمشاكلهم ويحاول المساهمة في تقديم الحلول لها. 

يقدم أنشطة مختلفة:(ندوات – حلقات نقاش – نادي سينما – مكتبة). 

العنوان: 2ش حورس أخر شارع الوحدة أمام التوحيد والنور. 

ت : 0106718411- 0107465425