| Mon | Tue | Wed | Thu | Fri | Sat | Sun |
|---|---|---|---|---|---|---|
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 |
رعب مترو الأنفاق يصيب اهالى امبابة
Submitted by nermeen on Wed, 17/10/2007 - 00:57.
( )
( )
الشك في الحكومة اصبح شيء طبيعى جدا إتعود عليه ناه وبقى من عادتنا. السبب بسيط: الحداية ما بتحدفش كتاكيت. الحكومة عمرها ما هاتعمل حاجة عشان تسعد الناس أو تريحهم. الحكومة ممكن تعمل حاجة عشان تسعد الأغنياء والمستثمرين.. لكن الفقرا وعموم الشعب، فدول فواعلية وبس، ده لو لقوا شغل!
عشان كده كان طبيعي إن أهالينا في إمبابة يصابوا بالخوف لما يسمعوا إن خط المترو التالت ها يمر بإمبابة وينتهي بها. طب لو المترو مر بإمبابة ها يهد بيوت مين وها يقضي على رزق مين؟ ولو جه عندنا مين ها ينضر أو يتداس في الرجلين؟
الكلام بيقول إن المترو لما يوصل ها يمر من جنب الكورنيش بدءا من الكيت كات.. وها يقضي على صفوف من البيوت عشان يمر.. ممكن ده يحصل.. ربنا يستر.
لكن حتى لو مش ها يمر.. أكيد فيه مشكلة تانية هاتحصل. الخبر الحلو الوحيد اللي ممكن نعرفه هو إن الخط التالث بيبتدي من عند المطار وها ينتهي في إمبابة.. وإنه مقسوم لمرحلتين: الأولى من المطار إلى العباسية، والتانية من العباسية إلى إمبابة. والمرحلة التانية مش ها تبتدي إلى بعد سنوات – ربما تصل إلى عشرة. يعني الحمد لله الكارثة اللي اسمها المترو مش ها تجيلنا إلا بعد سنين. وها نعيش السنين دي مع التكاتك ومع عربيات بشتيل اللي ما يركبهاش بني آدمين!
